Të paktën nëntë persona kanë humbur jetën në New York dhe New Jersey si pasojë e përmbytjeve të shkaktuara nga uragani “Ida”. Një person humbi jetën në qytetin Passaic të New Jersey, pasi automjeti i tij u tërhoq nga rjedha e ujit.
NBC New York raportoi se një person tjetër kishte vdekur në New Jersey dhe shtatë kishin vdekur në New York City, përfshirë një djalë 2-vjeçar. Mediat lokale raportuan se njerëzit ishin bllokuar në bodrumet e tyre ndërsa stuhia bëri që uji të vërshonte nëpër qytet.
Kryetari i Bashkisë së Nju Jorkut Bill de Blasio i përshkroi përmbytjet dhe shirat të mërkurën mbrëma si një “ngjarje historike e motit”, dhe Shërbimi Kombëtar i Motit lëshoi një urgjencë të përmbytjeve në New York City për herë të parë.
Përpjekjet e rimëkëmbjes ishin duke u zhvilluar herët të enjten për të rikthyer sistemet e transportit që u shërbejnë miliona banorëve në zonën metropolitane të populluar dendur.
Guvernatorët e New York dhe New Jersey, të cilët kishin shpallur emergjenca në shtetet e tyre të mërkurën, u bënë thirrje banorëve të qëndrojnë në shtëpi pasi ekuipazhet punonin për të pastruar rrugët dhe për të rikthyer shërbimin në metro dhe linjat hekurudhore të qytetit të New York.
