Qindra palestinezë kanë demonstruar pranë gardhit izraelit në Rripin e rrethuar të Gazës, duke i bërë thirrje Izraelit të lehtësojë një bllokadë gjymtuese ditë pasi një tubim i ngjashëm i fundjavës përfundoi në konfrontime vdekjeprurëse me ushtrinë izraelite.
Ushtria izraelite, e cila kishte marrë masa të përforcuara para demonstratës të mërkurën, tha se po përdorte gaz lotsjellës dhe zjarr të drejtpërdrejtë për të shpërndarë turmën në jug të Gazës. Mjekët palestinezë raportuan se të paktën nëntë persona u plagosën.
Rrjeti televiziv Al Aqsa, i cili drejtohet nga Hamasi, grupi palestinez që qeveris Gazën, tregoi turma njerëzish që i afroheshin gardhit, pastaj ikën kur mbërriti një automjet ushtarak izraelit. Gazi lotsjellës mund të shihej duke në ajër.
Ushtria tha se ishte duke përdorur të shtëna me kalibër .22, një lloj arme që është menduar të jetë më pak vdekjeprurëse sesa armët e zjarrit më të fuqishme, por që mund të jetë vdekjeprurëse.
Qindra palestinezë demonstruan të shtunën, duke përfunduar në konfrontime të dhunshme me forcat izraelite. Më shumë se 40 palestinezë u plagosën nga zjarri izraelit gjatë demonstratave të së shtunës, përfshirë një të ri 13-vjeçar i cili u qëllua në kokë, tha ministria e shëndetësisë.
Një nga të plagosurit, Osama Dueji, 32 vjeç, vdiq nga një plumb në këmbë të Mërkurën. Hamasi e identifikoi atë si një anëtar të krahut të tij të armatosur dhe mbajti zi për të si një “martir heroik”.
