Kanadaja ka mirëpritur këtë të hënë vizitorë plotësisht të vaksinuar nga Amerika, pas hapjes së kufirit tokësor më të gjatë në botë, 17 muaj pasi udhëtimet jo-thelbësore ishin ndaluar për të frenuar përhapjen e koronavirusit. Otava hoqi detyrimin për Karantinë për të gjithë amerikanët që paraqesin provën se janë vaksinuar me një nga vaksinat që është aprovuar nga autoritetet kanadeze.
Gjatë muajve të fundit dy shtetet u përballën me presion të madh nga grupet e turizmit për të hequr një pjesë të kufizimeve. Duke qenë se rastet në Kanada kanë qenë të ulëta, pritet që vendi të heqë kufizimet nga shtatori edhe për udhëtarët nga shtete të tjera. Qeveria autorizoi pesë aeroporte këtë të hënë që të happen për udhëtimet ndërkombëtare, edhe pse karantina është ende e detyrueshme për momentin.
Nga ana tjetër, Uashingtoni duhet ende të lehtësojë disa rregulla të udhëtimeve, ndërsa pritet të rishikohen disa kufizime për kufirin me Kanadanë.
Raportet e vaksinimit në dy vendet janë respektivisht 50% për SHBA-të dhe 68% për Kanadanë. Që do të thotë se gjysma e amerikanëve janë plotësisht të vaksinuar dhe 68% ekanadezëve po ashtu.
Megjithatë rastet me Covid-19 kanë ardhur duke u rritur në Amerikën e Veriut, ndikuar edhe nga variant Delta, pasi pësuan një rënie gjatë muajit korrik.
