Britania e Madhe do t’u ofrojë të gjithë 16 dhe 17-vjeçarëve dozën e parë të vaksinës COVID-19 të Pfizer. Lajmin e kanë bërë me dije) këshilltarët britanikë të vaksinave, duke zgjeruar të drejtën e vaksinave për fëmijët përtej atyre që janë më të rrezikuar.
Komiteti i Përbashkët Britanik për Vaksinimin dhe Imunizimin (JCVI) tha se po përditësonte këshillat fillestare të dhëna muajin e kaluar në dritën e ndryshimeve në përhapjen e sëmundjes në grupet më të reja dhe të dhënat më të fundit të sigurisë që ishin në dispozicion.
“Pas shqyrtimit të kujdesshëm të të dhënave të fundit, ne këshillojmë që 16-vjeçarëve të shëndetshëm t’u ofrohet një dozë e parë e vaksinës Pfizer-BioNTech. Këshilla se kur do të ofrohet doza e dytë e vaksinës do të vijë më vonë”, tha Ëei Shen Lim, kreu i JCVI për COVID-19.
“Ndërsa COVID-19 është zakonisht i butë ose asimptomatik në shumicën e të rinjve, mund të jetë shumë i pakëndshëm për disa dhe për këtë grupmoshë të veçantë, ne presim që një dozë e vaksinës të sigurojë mbrojtje të mirë kundër sëmundjeve të rënda dhe shtrimit në spital”, shtoi ai.
JCVI tha se përfitimet për fëmijët nga mbajtja e tyre të shëndetshëm dhe në shkollë ishin parësore, megjithëse do të kishte gjithashtu ndikime pozitive në gjithë shoqërinë. Sekretari i Shëndetësisë, Sajid Javid tha se e pranoi këshillën.
