UNESCO i ka hequr qytetit të Liverpulit statusin e trashëgimisë botërore, pasi argumentoi se vitet e zhvillimit ka sjellë një humbje të pakthyeshme të vlerave historike të periudhës viktoriane.
Organi i trashëgimisë së OKB tha në një takim në Kinë të mërkurën se vlera e jashtëzakonshme universale e bregdetit të Liverpool ishte shkatërruar nga ndërtesa të reja, përfshirë stadiumin e ri të klubit të futbollit Everton me një vlerë prej 500 milion £.
Vendimi është një goditje për qytetin dhe e bën Liverpulin vetëm vendin e tretë që ka humbur statusin në gati 50 vjet. Vendet e tjera të fshira ishin Shenjtërorja Arabe Oryx e Omanit në 2007 dhe lugina Dresden Elbe në Gjermani në 2009.
Liverpool ka mbajtur statusin e trashëgimisë botërore që nga viti 2004 – duke e vendosur atë krahas Taj Mahal dhe Murit të Madh të Kinës – si njohje për rolin e tij si një fuqi kryesore tregtare gjatë perandorisë Britanike dhe bukurinë arkitektonike të vijës bregdetare. Statusi u jep vendeve historike akses në financimin dhe mbrojtjen e ruajtjes së OKB nën konventat e Gjenevës. Kërcënimi për t’u hequr nga lista ka qenë prezent që nga viti 2012 ndërsa UNESCO paralajmëroi se zhvillimi kishte ndryshuar ndjeshëm horizontin e qytetit dhe po shkatërronte vlerën e trashëgimisë së bregdetit. Vendimi u njoftua nga Tian Xuejun, kryetari i komitetit të trashëgimisë botërore Unesco, në një konferencë virtuale të organizuar në Kinë të mërkurën.
