Autoritetet shëndetësore në Kosovë, kanë publikuar të dhënat e fundit të ecurisë së Covid-19. Në njoftimin zyrtar të publikuar nga Instituti Kombëtar i Shëndetësisë Publike të Kosovës, thuhet se gjatë 24 orëve të fundit kanë rezultuar pozitivë vetëm 7 qytetarë. Nga krahu tjetër, për fat të mirë, nuk është regjistruar asnjë viktimë. Sa i përket të shëruarve, ata janë 2, ndërsa numri i përgjithshëm i tyre që prej fillimit të pandemisë, është më shumë se 105 mijë qytetarë.
Njoftimi i plotë Institutit Kombëtar të Shëndetësisë Publike:
“18 Korrik 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon: Nga 2.202 testime, 7 qytetarë kanë rezultuar pozitiv me virusin COVID-19. Gjatë 24 orëve të fundit, nuk është shënuar asnjë rast i vdekjes. Sot janë shëruar 2 qytetarë, derisa numri i përgjithshëm i të shëruarve është 105.536. Në total numri i rasteve aktive është 103”, shkruhej në njoftim.
Ditën e djeshme, vetëm dy qytetarë kanë rezultuar pozitiv me virusin COVID-19. Gjithashtu, njëjtë si 24 orët e fundit, nuk është shënuar asnjë rast i vdekjes. U shëruan 3 qytetarë, derisa numri i përgjithshëm i të shëruarve është 105.535 në total.
Situata në Kosovë është stabël ditët e fundit sa i takon shifrave dhe bilanci nuk ka qenë shumë i lëvizshëm. Prej ditësh, nuk regjistrohet asnjë viktimë, ndërsa infektimet janë minimale.
