Tre aksidente në 10 minuta janë regjistruar ditën e sotme në vendin tonë. Një aksident automobilistik është regjistruar pak çaste më parë në Tiranë në rrugën “Gjin Bue Shpata”, ku një makinë ka përplasur shtetasin me inicialet I.S., I cili ndodhet në spital jashtë rrezikut për jetën.
Po ashtu në vendin e quajtur “Qafë Kasharë”, mjeti me drejtues shtetasin me inicialet E.N., ka aksidentuar këmbësoren shtetasen B.J., e cila ndodhet nën kujdesin e mjekëve.
Po ashtu në rrugën “Ndre Mjeda”, mjeti me drejtues shtetasin S.M., ka humbur kontrollin e mjetit dhe është përplasur me pemën.
Njoftimi i Policisë
Më datë 09.05.2021, rreth orës 14:10, në rrugën “Gjin Bue Shpata” mjeti me drejtues I. S., ka përplasur biçiklistin shtetasin V. Sh., 65 vjeç, i cili ndodhet në spital, nën kujdesin e mjekëve.
Më datë 09.05.2021, rreth orës 14:15, në Qafë Kashar mjeti me drejtues E. N., ka aksidentuar këmbësoren shtetasen B. J., 55 vjeç, e cila ndodhet në spital, nën kujdesin e mjekëve.
Më datë 09.05.2021, rreth orës 14:20, në rrugën “Ndre Mjeda”, mjeti me drejtues shtetasin S. M., 40 vjeç, ka humbur kontrollin e mjetit dhe është përplasur me pemën. Si pasojë është vetëdëmtuar i cili ndodhet në spital, nën kujdesin e mjekëve.Grupi hetimor vijon punën për sqarimin e rrethanave të ngjarjes.
