Kosova pritet të marrë 100 mijë doza të vaksinave anti-Covid në javët e ardhshme. Lajmin e ka bërë të ditur ministry i Jashtëm Heiko Maas. Në një konferencë për shtyp ai tha se Kosova ka pranuar tashmë 24 mijë dozat e para nga 100 miëj vaksinat e planifikuara deri në maj nga programi COVAX. Ministri u shpreh se është i vetëdijshëm se kaq nuk mjafton, por kjo nuk do të jetë fjala e fundit. Ai ka shprehur mbështetjen për Kosovën që ta kalojë situatën e pandemisë në mënyrë të suksesshme.
“Kosova tashmë i ka pranuar 24 mijë nga 100 mijë vaksinat e planifikuara deri në maj nga COVAX. Në javën e ardhshme atyre do tu shtohen edhe 100 mijë vaksina të tjera. Ne e dimë që nuk mjafton, por ne llogarisim që vaksinat në javët e ardhshme do të shtohen nga kompanitë farmaceutike dhe kjo nuk do të jetë fjala e fundit. Ne do të ju mbështesim që të vaksinoni qytetarët dhe ta kaloni situatën me pandeminë në mënyrë të suksesshme”, tha Maas në konferencë për shtyp.
Aktualisht në Kosovë 11 366 raste active, ndërsa që prej fillimit të pandemisë kanë humbur betejën me virusin 2110 persona. Më 24 orët e fundit Kosova raportoi 382 raste infektimesh, ndërsa 5 persona humbën jetën.
