Spektatorët ndërkombëtarë nuk do të lejohen të hyjnë në Japoni për Lojërat Olimpike të kësaj vere mes shqetësimeve të publikut për koronavirusin, thanë organizatorët këtë të shtunë.
Rreth 600,000 bileta Olimpike të blera nga banorët e huaj do të rimbursohen, ashtu si edhe 300,000 bileta të tjera Paraolimpike, tha në një konferencë shtypi Toshiro Muto, shefi ekzekutiv i komitetit organizues Tokyo 2021. Ai nuk pranoi të tregonte se sa do të kushtonin rimbursimet.
Lojërat Olimpike u shtynë vitin e kaluar për shkak të pandemisë COVID-19. Ndërsa shpërthimi ka ftohur opinionin publik ndaj veprimtarisë, të dy organizatorët dhe kryeministri Yoshihide Suga janë zotuar të vazhdojnë me Olimpiadën.
Vendimi për spektatorët ndërkombëtarë do të “sigurojë Lojëra të sigurta për të gjithë pjesëmarrësit dhe publikun japonez”, thanë organizatorët e Tokyo 2021 në një deklaratë pas bisedimeve pesëpalëshe që përfshinin kreun e Komitetit Olimpik Ndërkombëtar, Thomas Bach dhe guvernatorin e Tokios .
“Njerëzit që janë të përfshirë në Olimpiadë në një farë mënyre mund të lejohen të hyjnë në vend, ndërsa vizitorët e rregullt nuk do të jenë në gjendje”, tha Muto i Tokyo 2021.
Ai tha se kostot për anulimet e hoteleve nuk do të mbulohen. Organizatorët mund të konsiderojnë gjithashtu zvogëlimin e numrit të anëtarëve të stafit që do të marrin pjesë në Lojëra. Lojërat janë planifikuar për nga 23 korrik deri më 8 gusht, dhe paraolimpiadat nga 24 gushti deri më 5 shtator.
Sondazhet e mediave kanë treguar se shumica e publikut japonez është i kujdesshëm në lidhje me lejimin e spektatorëve ndërkombëtarë për të parë Lojërat ndërsa vendi ndeshet me fundin e një vale të tretë të pandemisë.
