Rasti i zhdukjes misterioze të Bleona Matës rikthehet sërish në vëmendjen e publikut, pasi publikohet portreti i saj i realizuar nga ekspertët amerikanë.
Kanë kaluar 9 vite nga koha kur Bleona, në atë periudhë vetëm 6 vjeçe, u zhduk në mënyrë misterioze pasditen e 22 majit të 2010-s, teksa kulloste bagëtitë në malin e fshatit Zapod të Kukësit, së bashku me 5 vajza të afërme të saj.
Në emisionin “Pa gjurmë” mbrëmjen e sotme u publikua imazhi, sesi mund të duket sot 16-vjeçarja Bleona.
Fotoja është realizuar nga ekspertët amerikanë, që vijnë në ndihmë të familjeve që u kanë humbur fëmijët.
/Iconstyle.al
