Unioni i Gazetarëve Shqiptarë ka bërë sërish kërkesë për vaksinimin e reporterëve, pasi janë ndër grupet më të rrezikuara në kohë pandemie.
Edhe pse një javë më parë, Unioni iu drejtua me një kërkesë zyrtare ministres së Shëndetësisë dhe Mbrojtjes Sociale Ogerta Manastirliu, deri më tani nuk është marrë asnjë vendim .
Ditën e sotme, u njoftua se kërkesa e bërë një jave më parë, është depozituar në Komitetin e Vaksinimit, i cili trajton dhe çështjet e pandemisë, por nuk u vendos asgjë.
Vlen të theksohet se deri më tani kanë humbur jetën 8 gazetarë. Kujtojmë këtu Lek Plani, Zenepe Luka, Prend Shota, Nuri Dragoi, Koço Devole si dhe pronari i Fax News, Kasem Hysenbelliu. Duhet të përmendim dhe punonjësit e tjerë të medias siç ishte edhe rasti i montazhierit Julian Buzos, vetëm 35-vjeç.
Nëse i referohemi vendeve të Bashkimit Europian dhe më gjerë, gjatë dy muajve të fundit ka nisur procesi i vaksinimit të gazetarëve të terrenit.
Në Shqipëri deri më tani tre janë grupet e veçuara nga Komiteti i Vaksinimit, ai i mësuesve, mjekëve dhe të moshuarve, duke lënë kështu jashtë planit grupin e gazetarëve, të cilët kanë qenë gjatë gjithë pandemisë në krye të detyrës dhe shumica prej tyre në terren.
Pjesë nga kërkesa e Unionit të Gazetarëve:
“Drejtuesit e UGSH gjate ketij muaji me kembengulje dhe ne menyre riperseritese kane kerkuar se kategoria e gazetareve ne terren perballen me riskun e larte te prekjes prej virusit pandemik COVID-19. Komunikimi i sotem zyrtar do te pasoje me reagimin e Komitetit te Vaksinimit dhe ne kohe te shpejte shpresojme te perfshihen edhe reporteret e terenit ne procesin e vaksinimit. Kerkesa zyrtare e UGSH eshte e vetmja e depozituar nga organizata profesionale prane ketij Komiteti.
