Që prej fillimit të pandemisë, përveç mjekëve dhe stafeve mjekësore, në vijën e parë të frontit, për të ruajtur rendin, qetësinë publike dhe respektimin e masave anti-covid, kanë qenë edhe efektivët e Policisë së Shtetit.
Policia duke qenë në vijën e parë të betejës, kanë rrezikuar jetën e tyre pothuajse sa edhe mjekët.
Si pasojë sipas një bilanci paraprak, prej fillimi të pandemisë e deri më tani, janë infektuar nga koronavirusi 699 efektivë policie, ku 16 prej tyre vetëm gjatë 24 orëve të fundit.
Si pasojë gjatë këtyre muajve të pandemisë, kanë ndërruar jetë për shkak të covid-19 edhe 10 punonjës të Policisë së Shtetit.
Ndërkohë, paraditen e sotme është raportuar se është infektuar nga koronavirusi edhe drejtori i Përgjithshëm i Policisë së Shtetit, Ardi Veliu. Mësohet se gjendja e tij shëndetsore është e mirë dhe po merr mjekim në shtëpi.
Po ashtu bëhet me dije se ditën e sotme ka humbur jetën fatkeqësisht edhe një efektiv i Anti-drogës, shtetasi me inicialet F.P. 50-vjeç.
Bëhet me dije se prej një jave, viktima ishte shtruar në spital dhe po merrte mjekim, por nuk ia ka dalë dot./Gazetareforma.com/
