Gazeta austriake “Krone Zeitung” publikoi një shkrim që akuzon presidentin Ilir Meta se ka paguar 700 mijë usd për një foto me Trumpin.
Ndërkohë që ditën e sotme Meta është pyetur në lidhje me akuzat që i janë bërë nga gazeta austriake. Në një konferencë për mediat, Meta tha se akuzat janë të pavërteta.
“Ç’koment të kem për këto mjerime të rilindjes lokale dhe ndërkombëtare (fërshëllen dikush) ja fjalë e vërtetë. E kam parë atë shkrim pa emër për presidentin e një vendi, që nuk është gjë tjetër por një ripërtypje në publik e disa shpifjeve në publik dhe të bëra nga revista Father Jonson. Përsa i takon LSI-së keni një deklaratë nga ish-zëdhënësi Sulçe, ku në 2017-ën kam qenë kryetar Kuvendi. Ai nuk i botoi. Për sa më takon mua, ja ku i keni që në 3 maj 2013, një gazetar i Fax Neës, Bledian Koka më ka pyetur për këtë çështje dhe përgjigja është e qartë; një mashtrim totalisht. pasi kam marrë pjesë si kryetar i Kuvendit, bashkë me Vasilin, me ftesë dhe gjithçka është e verifikueshme dhe për shkak të kamerave, dhe s’kemi asnjë lidhje me atë mashtrim. Ata thonë; ka qenë Ilir Meta atje dhe ka paguar 700 mijë dollarë, për të bërë foto me Trump. Por nëse ju duket Vasili si Trump? Ai është pak mbështetës i Trump. Është e verifikueshme”, u shpreh Meta.
