Ditën e sotme, 7 shqiptarë të tjerë i kanë shpëtuar luftës në Izrael. Bëhet e ditur se mes 7 personave që po vijnë në atdhe është edhe një i mitur.
Ministria e Jashtme njofton se shqiptarët kanë udhëtuar nga Tel Avivi dhe kanë mbërritur në Shkup në në orët e vona të mbrëmjes së djeshme. Ministria bën të ditur se 7 shqiptarët janë nisur sot drejt vendit tonë, për t’u shpërndarë në vendet ku jetojnë.
“Dje në orët e vona të mbrëmjes përmes një fluturimi nga Tel Aviv në Shkup të koordinuar nga Republika e Maqedonisë së Veriut kanë mbërritur edhe 7 shtetas shqiptarë mes tyre dhe një i mitur.
Nën kujdesin e MEPJ, pasi kanë mbërritur në Shkup, janë nisur drejt Shqipërisë për në qytetet ku ata jetojnë dhe banojnë.
Ministria për Evropën dhe Punët e Jashtme po punon ngushtësisht dhe është në kontakt të vazhdueshëm me të gjitha ministritë e vendeve të tjera të rajonit për t’i ardhur në ndihmë të gjithë qytetarëve që kërkojnë të kthehen në vendet e tyre”, raportohet në njoftim.
