Dita e sotme ka shënuar numrin më të lartë të personave të infektuar me Covid-19 që nga fillimi i pandemisë së koronavirusit.
Në një dalje për mediat, Ministria e Shëndetësisë ka raportuar për 69 të prekur ggjatë 24 orëve të fundit.
Në vendin tonë, prej disa ditësh janë shënuar shifra të larta të infektuarish me koronavirus.
Krahas numrit të lartë të të infektuarve, ka edhe një zgjerim të vatrave të reja.
Mësohet se janë 499 persona aktiv me koronavirus në vend, përkatësisht:
-Shkodër 68
-Krujë 63
-Kamëz 27
-Durrës 25
-Vlorë 21
-Lushnje 13
-Pukë 11
-Elbasan 6
Sakaq Ministria e Shëndetësisë njoftoi se mes të infektuarve të rinj ka kontakte të personave të diagnostikuar më parë, por dhe raste të reja për të cilët po vazhdon hetimi epidemiologjik.
50 pacientë janë të shtruar në Spitalin Infektiv, 7 janë në terapi intensive, një i intubuar.
70 për qind e gjithë të infektuarve janë shëruar.
Sipas Ministrisë që prej fillimit të marsit janë testuar mbi 20 mijë persona, prej të cilëve janë:
– 1590 të infektuar,
– 36 viktima;
– 1055 të shëruar
Lidhur me këtë situatë, Ministria e Shëndetësisë thekson se kjo periudhë nuk mund të krahasohet me pikun nën efektin e masave të karantinës, pasi tashmë 97% e subjekteve janë në aktivitet dhe numri i kontakteve është më i lartë.
“Por duhet theksuar se kjo periudhë nuk mund të krahasohet me periudhën e pikut nën efektin e masave të karantinës, për vetë faktin se kemi kohë më të gjatë ekspozimi dhe numër më të lartë kontaktesh gjatë aktiviteteve rutinë të ditës, ku aktualisht 97 % e subjekteve janë në aktivitet”, thekson MSH.
