Sali Berisha ka folur mbi hetimin që SPAK ka hapur mbi çështjen e CEZ. Më herët në seancën parlamentare, Taulant Balla akuzoi Berishën se privatizimi i CEZ ishte bërë me me anë të një valixhe të mbushur me 6 milionë euro që u transportua nga një person i caktuar.
Berisha tha se këto ishin trillime nga ana e Ballës ndërsa për personin i cili thuhet se ka marrë valixhen me 6 milionë euro, Berisha tha se ky i fundit kishte qenë një prej bashkëpunëtorëve të CEZ-it dhe nuk kishte asnjë lloj lidhje personale me të.
Pyetje: Një valixhe prej 6 milionë euro të marra nga një person që nuk dihet se ku është, para të cilat kishin shërbyer për privatizimin e CEZ-it
Berisha: Ky është një trillim fund e krye i Taulant Ballës, kjo dosje para dy vitesh ka shkuar në gjykatën e Lartë dhe nuk është gjetur asnjë shkelje. Privatizimi i CEZ-it është realizuar dhe financuar nga koorporata ndërkombëtare me tender ndërkombëtar të lavdëruar me dokumenta nga USAID. Se çfarë marrëdhënie tregtare ka pasur CEZ-i me të tjerët, atë nuk e di unë.
Mesa di unë ai person ka qenë bashkëpunëtor i CEZ-it. Ai është dhënë për ndjekje penale nga qeveria shqiptare. Drejtori i CEZ-it është dhënë nga ne për ndjekje penale, shkoni dhe merrni dosjen.
