Kompania “One Albania” është një ndër kompanitë që ka më së shumti ankesa publike nga qytetarët e saj. Ajo është denoncuar shpesh herë nga qytetarët qoftë për çmimet e larta apo edhe për shërbimin celular të dobët. Përpos kësaj, qytetarët kanë denoncuar edhe sjelljen arrogante të punonjësve ndaj klientëve duke mos i ofruar një shërbim korrekt. Edhe pse në 24 Tetor 2023, Këshilli Drejtues i AKEP-it vendosi të gjobisë me 10 milionë lekë të reja kompaninë “One”, pasi konstatoi disa shkelje ligjore të përsëritura, kjo kompani nuk ka të përfunduar me shkeljet që i bën konsumatorëve të saj ose dëmit financiar që i shkakton shtetit.
Kjo sepse në datën 9 prill të vitit 2024, 6.56% të aksioneve të kësaj kompanie u shitën gruas së Klodian Zotos, Ilza Zoto me vlerën 200000 lekë ose 2 mijë euro. Këto aksione u shitën nga shtetasit Bashkim Sulstarova dhe Znj.Margarita Sulstarove në favor të Znj.Ilza Zoto. Me nënshkrimin e kësaj kontrate dhe likujdimin e çmimit të shitjes, blerësja bëhet aksionere e shoqërisë me vlerë nominale të një aksioni 1 dhe numër aksionesh 6.56 duke u bërë ortake dhe me shtetin shqiptar që ka 3% aksione në këtë kompani.. Sipas deklarimeve në Qendrën Kombëtarë të Biznesit e Tatimet çmimi është vlerësim faktik sipas gjendjes ekonomike e vlerës së kapitaleve të kompanisë. Por vlerësimi i aksioneve nuk qëndron pasi Kompania “One” është operatori më i madh në vend i shërbimeve celulare sipas kartave SIM me 1,906,152 abonentë ndjekur ngushtë nga Vodafone Albania me 1,901,220 abonentë e si rrjedhojë kjo sjell që të ardhurat e tyre janë shumë të larta. Ndaj çmimi me të cilën janë blerë këto aksione është i papërfillshëm në krahasim me të ardhurat e kompanisë, duke sjelllë kështu dyshime për evazion fiskal e mosdeklarim të fitimeve të kësaj kompanie në shtet.
Kujtojmë se prej muajit dhjetor 2021, Klodian Zoto, bashkëshorti i Ilza Zotos është në kërkim nga SPAK e Gjykata Speciale, si i dënuar me nga 8.5 vite burg për mashtrim, falsifikim e vjedhje në landfillet Elbasan-Fier dhe në proces gjykimi për të njëjtat krime në landfillin e Tiranës.
Konkretisht Ilza Zoto, bashkëshortja e Klodian Zotos, ka hapur një aktivitet për ndërtim inceneratorësh, landfillesh dhe trajtim të mbejteve urbane. Bëhet fjalë për kompaninë EDARIL & CO ALBANIA, e themeluar në korrik të 2017, ku deri në vitin 2019 aksionere me 25% të kuotave ishte edhe Ilza Zoto. Ndërsa në 27.06. 2019, Ilza Zoto ka shitur aksionet e saj. Po ashtu në të njëjtën datë ka ndodhur edhe ndryshimi i emrit, nga “EDARIL & CO ALBANIA”) u bë (“7D”). Gruaja e Klodian Zotos është në ortakëri me dhëndrin e Ritvan Bodes e Mirel Mërtirin, ndërsa në Ministrinë e Financave, ajo ka menaxhuar 20 milionë Euro “Program për Konvertimin e Borxhit Shqiptar”.
Përveç kompanisë “ONE Albania”, mafiozi hungarez Gellért Zoltán Jászai, është i skeduar nga SHBA për pastrim parash në Shqipëri, Hungari, Bullgari, Rumani, Serbi, Bosnje, Turqi, Mali i Zi e Maqedoni.
Po kështu, është i skeduar për skema mashtrimi financiar, trafik fiktiv aksionesh e kapitalesh, evazion fiskal e pastrim parash me kompanitë “4iG Nyrt”, “KZF Vagyonkezelo Kft”, “Konzum Befektetési és Vagyonkezelo NyRt”, “Hunguest Hotels Szállodaipari Zrt.”, “Appeninn Vagyonkezelo Holding Nyrt” dhe “SCD Group Kft”.
Por shteti shqiptar e ka lejuar të futet me blerje të kompanive të strategjike që lidhen me sigurinë kombëtare në Shqipëri e duke u bërë ortak më të, ndërsa drejtësia nuk vepron.
