Ditën e djeshme Tirana u përfshi nga reshje shiu, të cilat ishin me një intesitet mesatar që zgjatën për rreth një orë, por problemet që sollën ishin shumë të mëdha.
Përveç problemeve si pusetat e bllokuara nga mos pastrimi i kanaleve kulluese që janë detyrë e Bashkisë Tiranë, daljen e Lanës nga shtrati, mbushjen e trotuarëve me ujë, ajo që tërhoqi vëmendje ishte përmbytja e Parkut Rinia.
Shiu i djeshëm zbuloi se bashkia ka keqpërdorur 1 miliard lekë nga taksat e qytetarëve, pasi serioziteti i punimeve dhe rikontruktimit të këtë park duket në nivele qesharake.
Një vit më parë kryebashkiaku Erion Veliaj prezantoi planin 1 miliard lekësh, ku në fund u kuptua se parku nuk ka fituar hapërira të gjelbra, por vetëm është shtuar sasia e betonit dhe barit artificial.
Një javë më parë, në 1 qershor, ky park hapi dyert për fëmijët edhe pse punimet vijojnë ende, pasi shumë nga detajet e projektit nuk kanë mbaruar.
Veliaj dhe e gjithë bashkia shpreheshin se ky ishte një investim shumë i rëndësishëm dhe puna me standarde të larta që do priste fëmijët, dhe jo vetëm, të kalojnë disa orë ndryshe.
Por, shiu që përmbyti Tiranën një ditë më parë, zbuloi se gjithçka ka qenë propagandë, duke zbuluar se paratë e qytetarëve për rehabilitimin e Parkut Rinia kanë shkuar dëm.
Sipas Dosja.al, rehabilitimi i Parkut Rinia ka një autor, është kompania AGI KONS, e cila ka marrë 1 miliard lekë nga taksat e qytetarëve dhe ka lënë pas vetëm beton më shumë, bar artificial dhe parkun e ktheu në kënetë.
Kjo kompani që duhet të mbyllte punimet për 8 muaj, ka zgjatur kontratën dhe me 4 muaj të tjerë, teksa dje u dëshmua se punimet e bëra nga AGI KONS kanë nevojë për përmirësime që 7 kompanitë e tjera që garuan në tender mund t’i kishin bërë më mirë, por u përjashtuan nga gara.
