Ditën e djeshme vendi ynë u pushtua nga një erë e fortë.
Në Durrës u rrëzua një palmë, në të njëjtin vend që u rrëzua një palmë tjetër rreth dy javë më parë.
Po ashtu, u anulluan lundrimet nga porti i Durrësit dhe Vlorës.
Era e fortë rrëzoi pemë, shtyllat elektrike apo objektet të tjera.
Në këtë situatë nuk kanë munguar as të lënduarit.
RTV KLAN bën me dije se si pasojë e stuhisë 5 persona kanë mbetur të lënduar nga rënia e objekteve të ndryshme.
Në spitalin e Traumës janë paraqitur qytetarët me lëndime në trup, por pas marrjes së mjekimit ata kanë lënë mjediset e spitalit.
Sinoptikanët thonë së të martën intensiteti i erës do të zvogëlohet, por temperaturat do të vijojnë të ulen.
Autoriteti Rrugor ka njoftuar se qarkullimi po realizohet normalisht dhe pa zinxhirë në të gjitha akset e vendit.
Ndërkohë që vijon puna për pastrimin e akseve dhe kriposjen në vendet ku ka ngrica dhe akull nga temperaturat e ulëta.
