Mbaron sot në mesnatë ”shtetrrethimi”, i ndërmarrë si masë nga qeveria për parandalimin e përhapjes së Coronavirusit dhe të gjithë duan të dinë se çfarë do ndodhë në ditët në vijim.
Drejtori i Policisë së Shtetit, Ardi Veliu, ka publikuar vendimin e plotë me oraret e lëvizjeve për mjetet dhe personat që do të lejohen të qarkullojnë.
- Duke filluar nga ora 00:00 deri në orën 08:00 të ditës së nesërm (16.03.2020) do të lejohet qarkullimi i mjeteve rrugore private të shtetasve me numër të kufizuar njerëzish 4+1 në të gjithë vendin, për t’u kthyer në vendbanimet e tyre.
- Nga ora 06:00 deri në orën 08:00 të mëngjesit dhe 16:00 deri në 17:00 pasdite do lejohet qarkullimi i mjeteve (furgonçina, furgonë, minibusë, autobusë) që do të bëjnë transportin e personelit dhe punonjësve të bizneseve prodhuese/industrial/bujqësore. duke marrë masa individuale mbrojtëse sipas kërkesave të dërguara dhe miratuara nga Policia e Shtetit.
- Jashtë këtyre orarve, mund të lëvizin vetëm mjetet rrugore që kryejnë shërbime të emergjencës, ambulanca, zjarrfikëse dhe mjetet e Policisë së Shtetit e ato Ushtarake, punonjësit e medias me makina të loguara ose të pajisura me dokument identifikimi.
- Po ashtu, lejohet qarkullimi për punonjësit që punojnë me turne në Policinë e Burgjeve, SHPSF-ve, si dhe në Spitale :
- Turni i parë 05:30 deri në 07:00,
- Turni i dytë 13:30 deri në 15:00
- Turni i tretë nga ora 21:30 deri në 22:30.
Sigurisht të gjitha këtu lëvizje mund të kryhen duke marrë masat e nevojshme dhe kushtet e duhura higjenike.
Njoftimi i plotë:
Në zbatim të planit të masave kufizuese të shpallura nga Qeveria, për vënien nën kontroll të pasojave që sjell përhapja e coronavirusit COVID-19, por dhe për të qartësuar veprimet e unifikuara të Policisë në shkallë vendi, gjatë periudhës së kufizimeve të lëvizjes së shtetasve dhe mjeteve rrugore, si dhe për vazhdimin e lëvizjes së kufizuar të veprimtarisë së përditshme të shtetasve dhe asaj prodhuese, në ditët në vijim do të veprohet si më poshtë: Duke filluar nga ora 00:00 deri në orën 08:00 të datës 16.03.2020, do të lejohet qarkullimi I mjeteve rrugore private të shtetasve me numër të kufizuar njerëzish 4+1 në të gjithë vendin, për t’u kthyer në vendbanimet e tyre, duke respektuar kufizimet higjeno-sanitare të situatës së krijuar. Nuk do të lejohet qarkullimi i mjeteve të shërbimit publik, përjashtuar shërbimet taksi 4+1 brenda këtij orari. Do të lejohet qarkullimi në oraret 06:00 deri në orën 08:00 në mëngjes dhe 16:00 deri në 17:00 pasdite i mjeteve (furgonçina, furgonë, minibusë, autobusë) që do të bëjnë transportin e personelit dhe punonjësve të bizneseve prodhuese/industrial/bujqësore, duke marrë masa individuale mbrojtëse sipas kërkesave të dërguara dhe miratuara nga Policia e Shtetit. Jashtë këtij kufizimi do të lejohet të qarkullojnë mjetet rrugore që kryejnë shërbime të emergjencës, ambulanca, zjarrfikëse dhe mjetet e Policisë së Shtetit e ato Ushtarake, punonjësit e medias me makina të loguara ose të panisura me dokument identifikimi, si dhe në oraret e ndërrimit të turneve, turni i parë 05:30 deri në 07:00, turni i dytë 13:30 deri në 15:00 dhe turni i tretë nga ora 21:30 deri në 22:30, të punonjësit të Policisë së Burgjeve, SHPSF-ve, si dhe personelit shëndetësor me mjetet e tyre private për vajtje-ardhje në punë, kundrejt dokumentit të institucionit ku punojnë.
Vatra e të infektuarve është zgjeruar në Tiranë, Rrogozhinë, Elbasan, Durrës, Lushnje dhe Fier, teksa Rama bëri me dije se duke nisur mga java tjetër të gjitha qytetete duhet të vetëkarantinohen, si Tirana dhe Durrësi.
Po ashtu, ai bëri me dije se pjesë e planit të masave janë edhe spitalet private që do vihen në shërbim të pacintëve të infektuar dhe nëse refuzojnë do të gjobiten me 5 mln lekë.
Lufta kundër COVID-19, Rama merr në dorë spitalet private: “Kush nuk bindet gjobë 5 milionë lekë”
1000 mjekë e infermierë dalin vullnetarë/ Rama shton masat: “E gjithë Shqipëria në karantinë”
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
