Policia e Lushnjës, ka arrestuar 43-vjeçarin me inicialet B.B, pasi ka ushtruar dhunë fizike dhe psikologjike ndaj bashkëjetueses së tij, 39-vjeçares me inicialet A.P. Gjithashtu, sipas policisë 43-vjeçari ka ushtruar dhunë edhe ndaj djalit të tij të mitur, 13-vjeç.
Po ashtu, ndërsa ka hedhur nga ballkoni katit të pestë të pallatit ku banonte disa sende dhe orendi shtëpiake, janë dëmtuar automjetet tip “Benz” dhe “Nisan”, në pronësi të shtetasve me inicialet K.Rr dhe I. N., të cilët ishin të parkuar poshtë pallatit. Materialet i kaluan Prokurorisë pranë Gjykatës së Shkallës së Parë Lushnjë, për veprat penale “Dhunë në familje” dhe “Shkatërrimi i pronës”.
“Specialistët për Hetimin e Krimeve në Komisariatin e Policisë Lushnjë arrestuan në flagrancë shtetasin B. B., 43 vjeç, banues në Lushnjë.
Arrestimi i këtij shtetasi u bë pasi ka ushtruar dhunë psikologjike ndaj bashkëjetueses së tij, shtetases A. P., 39 vjeçe, si dhe ndaj djalit të tij të mitur 13 vjeç.
Gjithashtu, ky shtetas ka hedhur nga ballkoni i katit të pestë ku banonte, disa sende dhe orendi shtëpiake, duke dëmtuar automjetet tip “Benz” dhe “Nisan”, në pronësi të shtetasve K. Rr dhe I. N., të cilët ishin të parkuar poshtë pallatit.
Materialet i kaluan Prokurorisë pranë Gjykatës së Shkallës së Parë Lushnjë, për veprat penale “Dhunë në familje” dhe “Shkatërrimi i pronës”, shkruhej në njoftimin e policisë.
