Teksa pritet të fillojë protesta para parlamentit, forcat e policisë së shtetit kanë blinduar zonën. Bëhet me dije se janë zngazhuar rreth 400 efektivë nga Policia e Tiranës dhe Forcat e Sigurisë Kombëtare (FNSH).
Masat janë marrë nga Drejtoria e Përgjithshme e Policisë së Shtetit në koordinim me DVP Tiranë. Në perimetrin e parlamentit janë instaluar kamera me rezolucion të lartë për të identifikuar çdo lëvizje të protestuesve.
Ndërkohë në gatishmëri qëndrojnë edhe forcat e specializuara RENEA në rast se do të ketë incidente. Po ashtu edhe autobotë me ujë ndodhen në pjesën e pasme të parlamentit nëse do të jetë e nevojshme për të ndërhyrë.
