Coronavirusi vijon të mbajë në ankth globin.
Në Kinë ka shkuar në 24300 numri i rasteve të konfirmuara të coronavirusit, ndërsa numri i viktimave në 490.
Vetëm ditën e djeshme janë shënuar 4 mijë rastet dhe 65 viktima.
Deri më tani virusi është përhapur në 25 shtete të botës.
Jashtë Kinës janë konfirmuar 191 të infektuar dhe ka patur vetëm një viktimë në Filipine.
Ndërkohë që, Organizata Botërore e Shëndetësisë ka shpallur emergjencën globale të shëndetit, sot ka bërë apel për një fond 675 milionë dollarësh për të financuar një plan reagimi tre mujor.
Nga ana tjetër, Hong Kongu do të vendosë në karantinë të detyrueshme 14 ditore të gjithë vizitorët nga Kina.
Vendimi hyn në fuqi të shtunën, mirëpo zyrtarët kanë refuzuar të mbyllin kufirin tërësisht.
Në Hong Kong janë konfirmuar 21 raste dhe një viktimë.
Gjithashtu, OBSH hodhi poshtë edhe raportet e televizioneve kineze se kërkuesit në universitetin e Zhejiangut ka gjetur një ilaç efektiv, duke thënë se nuk ka ende asnjë terapi efikase për coronavirusin.
