Lulzim Basha përmes rrjetit social Facebook ka adresuar ftesën zyrtare të gjithë demokratëve që do të festojë 33 vjetorit të themelimit të Partisë Demokratike.
Kjo festë do të mbahet sot në Pallatin e Kongreseve, në orën 16:30.
Në ftesën drejtuar demokratëve, kreu i partisë u kërkon që të kremtojnë së bashku themelimin e PD-së, si edhe të nderojnë sakrificat e anëtarëve dhe mbështetësve të kësaj partie ndër vite.
“Me rastin e 33 vjetorit të themelimit të Partisë Demokratike të Shqipërisë, me 11 Dhjetor, ora 16:30, në Pallatin e Kongreseve, kam nderin t’ju ftoj të kremtojmë së bashku themelimin e Partisë Demokratike të Shqipërisë, të nderojmë sakrificat, guximin dhe vendosmërinë e themeluesve, qëndresën e antarëve dhe mbështetësve ndër vite, si dhe guximin e të rinjve që janë shpresa për të sotmen dhe të ardhmen tonë”, shkruhet në ftesën e Bashës.
Ndërkohë, nga ana tjetër asnjë nga opozita si grupi i Bardhit dhe gr i Sali Berishës nuk pritet t’i bashkohet kësaj feste të thirrur nga Lulzim Basha!
