Në spitalin e Krujës, prej dy ditësh janë paraqitur 320 persona , me shqetësime të ndryshme, ku simptomat kryesore janë diarre, të vjella, temperaturë dhe dhe dhimbje barku.
Të sëmurët janë të moshave të ndryshme, nga fëmijë deri tek të moshuarit dhe janë nga të gjithë fshatrat e Krujës. Dyshimet e banorëve lidhen kryesisht me helmimin nga uji i pijshëm nga rrjeti i ujësjellësit, që në Krujë konsumohet masivisht.
“Kemi të vjella kanë filluar mbrëmë në darkë, s’kam konsumuar ndonjë, thjesht ushqime të zakonshme, kam pirë ujë çezme, ka shqetësime me të vjella dhe goca”.
“Kam unë dhe goca shqetësime, kemi konsumuar ujin e rrjetit”.
“Kam të vjella, ushqim si përherë, ujë kam konsumuar, ujë të rrjetit, dje në darkë më janë shfaqur shqetësimet, kam edhe nipin që ka shfaqur shqetësime”, shprehen disa nga qytetarët për Report Tv.
Nga ana e personelit të shëndetit publik janë marrë disa mostra të ujit të rrjetit të cilat janë dërguar për ekzaminim, e ndërkohë është ndërprerë furnizimi në të gjithë qytetin deri në daljen e përgjigjeve zyrtare. Policia ka njoftuar organet e shëndetit publik dhe të Autoritetet Kombëtar të Ushqimit, për të sqaruar situatën.
Ndërkohë nga ana tjetër, priten analizat nga Drejtoria e Shëndetit Publik në Krujë dhe Tiranë. Grupi hetimor ndërkohë po kryen të gjitha veprimet procedurale, me qëllim zbardhjen e shkakut dhe sqarimin e rrethanave të këtyre rasteve. Ndërkohë, nga ana e Bashkisë dhe institucioneve të tjera nuk ka asnjë prononcim.
Kujtojmë që kryeministri Rama, në muaji mars të këtij viti vizitoi Ujësjellësin e ri të Krujës, duke e konsideruar një investim shumë të rëndësishëm i cili siguron ujë të pishëm 24 orë, përmes 8 vendburimeve.
Për të garantuar se uji është cilësor, Rama kërkoi një shishe për ta mbushur dhe dhe dha shembullin duke pirë vetë i pari.
Teksa hapi vetë çezmën, kryeministri tha: “Presioni gjë e mirë, hajde gëzuar, me këtë ujë të freskët nga Kruja, uji i pijshëm i Krujës 24 orë”.
Ndërkohë kryetari i bashkisë së Krujës Artur Bushi u shpreh aso kohe:
Sapo kemi përfunduar investimin e ujësjellësit të Krujës për furnizimin me ujë të pijshëm. Ka koinciduar që para dy ditësh kemi marrë certifikimin e analizave nga laboratori. Uji është shumë cilësor dhe investimi është shumë i rëndësishëm për qytetin e Krujës. I premtuar prej shumë vitesh nga PD-ja, që do të furnizojë qytetin e Krujës, por këtë punë e bëmë ne.
Pra mesa duket uji i Ujësjellësit të Krujës nuk paska qenë aq i sigurt, ashtu sikurse u promovua nga vetë kryeministri.
150 persona të helmuar janë prova që investimet që bëhen në Shqipëri lënë vend për dikutim dhe janë më së shumti pjesë e propagandave të fushatave elektorale.
