3 lëkundje të forta në vendin tonë kanë panikosur banorët.
Lëkundja më e fuqishme u ndje në orën 21:15, me magnitudë 5.5 ballë dhe me epiqendër në Hamallaj.
Ai është ndjerë në disa qytete, si Tiranë, Krujë e Vlorë, Kurbin, Fier dhe Elbasan.
Më vonë, janë ndjerë edhe dy tërmete të tjera: një 4.1 ballë me epiqendër në Bubq dhe një 3.3 ballë me epiqendër detin Adriatik.
Kaq mjaftoi që banorët të braktisnin ndërtesat e të dilnin në rrugë.
Mirëpo, sizmiologu Rrapo Ormeni ka bërë thirrje që të mos ketë panik.
Sipas tij, këto janë pasgoditje të tërmetit të 26 nëntorit.
Pasgoditjet kanë ardhur duke u ulur sipas Ormenit.
“Tërmeti ka qenë me një magnitudë 4.9 Rihter. Është lëkundje që ndihet, e atij niveli që kanë rënë pas 26 nëntorit. Është mangnitudë që ndihet. Tërmetet e forta kanë veçoritë e tyre, në momente të caktuara duket se vjen në shuarje, por do ketë dhe të tilla, që janë më të dallueshme se të tjerat. Nuk mund të parashikosh në mënyrë të saktë se si do të jenë pasgoditjet. Në mënyrë statistikore ato (pasgoditjet) kanë ardhur duke u ulur”, tha sizmologu Rrapo Ormeni.
Emergjencat Civile njoftojnë se nga komunikimi me bashkitë Durrës, Dibër, Gjirokastër, Fier, Vlorë, Shkodër dhe Lezhë nuk raportohen dëme në njerëz apo materiale deri tani.
