Një 28-vjeçare me origjinë shqiptare është masakruar me thikë në një parkim në Gjermani. Mediat e huaja raportojnë se viktima është 28-vjeçarja Jetmira Beka, nga Mitrovica. Autori i ngjarjes së rëndë është ish-bashkëshorti i 28-vjeçares, një 37-vjeçar po me origjinë shqiptare nga Mitrovica. Ngjarja e rëndë ka ndodhur rreth orës 19:00 të pasdites së të shtunës 20 maj në qytetin Aachen të Gjermanisë. Mësohet se autori është vetëdorëzuar në polici pas ngjarjes së rëndë të shtunën, ku ka rrëfyer përpara hetuesve krimin e rëndë. 37-vjeçari qëlloi me thikë ish-bashkëshorten duke bërë që kjo e fundit të ndërronte jetë si pasojë e plagëve të marra. Ende nuk dihen arsyet e këtij krimi të rëndë. Raportohet se 28-vjeçarja ishte nënë e 3 fëmijëve.
Kryeprokurorja e Aachenit, Katja Schleknermann-Pitts bën të ditur se çifti ishin ndarë. Çifti ishte divorcuar për shkak të dhunës që ish-burri kishte ushtruar ndaj 28-vjeçares. Në momentin e vrasjes së Jetmirës, ishte e pranishme edhe motra e saj. Krimi ndodhi rreth orës 19:00 të së shtunës në mbrëmje. Duhet theksuar që rastet ku shqiptarët janë pjesë e kronikave të zeza të huaja janë gjithnjë e në rritje. Raste vrasjesh, ekzekutimesh mafioze dhe dhune barbare janë tashmë “traditë” e shqiptarëve teksa ndodhen në vendet e huaja.
