28-vjeçari Besnik Kokonozi ndërroi jetë orët e para të mëngjesit të sotëm në Përrenjas.
Ai kishte shkuar në spitalin e Librazhdit dy ditë më parë për të kryer një kontroll sepse kishte patur temperaturë të lartë.
Më pas, 28-vjeçari është larguar nga spitali menjëherë pasi ka marrë një qetësues.(lexo këtu)
Së fundmi, mjeku Bashkim Vasku ka folur rreth vdekjes së Kokonozit.
Sipas mjekut, ai paraqit në urgjencë me temperaturë, dhe ,pasi mori mjekim, iku në shtëpi.
Vasku thotë se Besnik Kokonozi nuk kishte grip, por vetëm virozë.
“Pacienti u paraqit në urgjencë me temperaturë. Ne e mjekuam në spital dhe i dhamë ilaç me vete. Pas mjekimit pacienti shkoi në shtëpi. Na njoftoi familja se u përkeqësua. Dërguam ambulancën, por kishte ndërruar jetë. Mund të ketë pasur komplikacion për shkak të temperaturës. Përveç asaj skuqjes që pamë dhe gjendjes virale duhet të ketë patur ndonjë problem tjetër. Nuk konstatuam gjë tjetër nga ai. Temperatura i ra dhe në orën 12:00 i filloi prap. Nuk e di mori mjekimet që mori apo jo, por që për temperaturën do ketë përdorur. Do të ketë pasur komplikacion, është rasti i rrallë por ne nuk konstatuam gjë tjetër. Ishte një skuqje e fytit dhe temperaturë 39, kaq. Si gjendje ishte mirë por virozë kishte, jo grip.” tha mjeku Bashkim Vasku.
Nga ana tjetër, familja nuk ka pranuar që trupit t’i bëhet autopsia.
