Avokati i Edvin Priftit, Henrik Ligori shprehet se 220 mijë eurot e gjendura në shtëpinë e tij janë të fituara nga çmimet ndërkombëtare.
Henrik Ligori në deklaratën e tij në sallën e gjyqit, ku po zhvillohet seanca për masat e sigurisë për të arrestuarit e SPAK, ngriti dyshime “për goditje në prag të fushatës zgjedhore”
Ai thotë se për operacionin e zhvilluar në korrik duhet tëe ndërhyej në atë kohë dhe jo tani në prag të fushatës. Avokati shton po ashtu se paratë e gjetura mjeku mund t’i justifikojë, pas i i ka të fituara nga çmimet ndërkombëtare që ka marrë.
Avokati shtoi gjithashtu se nuk i janë gjetur lekë në zyrë, por në çantë kur ishte nisur për në bankë.
Mëngjesin e sotëm reagoi dhe vetë mjeku, i cili tha se paratë i kishte fituar në Itali dhe se atje ka marr të ardhura të mira.
“Kam mbaruar me medalje ari, specializim në Siena dhe La Sapienca diplomimin si specialist në kardiokirurgji, punova në San Kamilo, doktoraturë La Sapienca, kam pasur të ardhura shumë të mira në Itali”, është shprehur Prifti në sallën e gjyqit. S’kam fshehur asnjë gjë. Punoj privat dhe shtet. U befasova nga Prokuroria që kërkoi burg, kam operuar mijëra shqiptar”, tha ai.
Kujtojmë se Prokuria e Posaçme kundër krimit të organizuar dhe korrupsonit, SPAK kërkoi mëngjesin e sotëm masën “arrest me burg” për mjekun e njohur Edvin Prifti
