Rasti i një 22-vjeçarje nga Kenia, e cila ishte zhdukur që prej datës 14 gusht mori vëmendjen e mediave disa ditë më parë.
Ka qenë vetë shoqja e saj e cila ka denoncuar rastin e 22-vjeçares me iniciale J.A.
Ndërkohë që më në fund, pas 3 muajsh autoritetet policore kanë bërë një deklaratë zyrtare mbi rastin enigmatik. Bëhet e ditur se 22-vjeçarja u gjet më pa ndjenja në afërsi të banesës së saj në rrugën “Pandeli Evangjeli” në Tiranë.
Në përfundim të veprimeve të para hetimore për këtë rast janë referuar materialet në Prokurorinë pranë Gjykatës së Rrethit Gjyqësor Tiranë, e cila ka regjistruar procedimin penal, për veprën penale “Plagosja e rëndë me dashje
E ema e së resë denoncoi rastin e rëndë në një intervistë për “Faxnews” duke u shprehur se ishte shumë e paqartë se çfarë i kishte ndodhur vajzës së saj, e cila kishte ardhur për punë në Tiranë në muajin shkurt. Ajo hodhi dyshime se vajza e saj është dhunuar nga dikush dhe se ngjarja nuk ka qenë aksidentale. Ajo po ashtu denoncoi se policia nuk i ka dhënë telefonat e vajzës së saj dhe hodhi poshtë pretendimet e tyre se vajza mund të ishte rrëzuar nga kati dytë i banesës ku jetonte.
Sqarim i Drejtorisë Vendore të Policisë Tiranë
Më datë 14.08.2022, një shtetase nga Kenia ka bërë denoncim për humbjen e kontakteve me shoqen e saj, shtetasen J. A., 22 vjeçe, nga Kenia, banuese në një banesë me qira, në rrugën “Pandeli Evangjeli”, e cila më pas u gjet pa ndjenja, në afërsi të banesës së saj.
Në lidhje me këtë rast sqarojmë se Komisariati i Policisë Nr. 1 ka vlerësuar denoncimin e bërë dhe ka reaguar në kohë. Në përfundim të veprimeve të para hetimore për këtë rast janë referuar materialet në Prokurorinë pranë Gjykatës së Rrethit Gjyqësor Tiranë, e cila ka regjistruar procedimin penal, për veprën penale “Plagosja e rëndë me dashje”.
Gjithashtu, sqarojmë se strukturat hetimore të Komisariatit të Policisë Nr. 1 Tiranë kanë kryer të gjitha veprimet hetimore të deleguara nga Prokuroria, për sqarimin e rrethanave të këtij rasti.
