Përmbytjet masive në Pejë si pasojë e reshjeve të shiut gjatë natës, kanë shkaktuar 2 viktima dhe disa të plagosur. Nëna dhe djali i saj 4 vjeç janë rrëmbyer nga rrjedha e ujit dhe si pasojë janë mbytur. Ngjarja e rëndë ka ndodhur në lagjen ‘Asllan Qeshme’. Fillimisht policia e Kosovës konfirmoi vdekjen e djalit ndërsa nëna e tij ishte shpallur e zhdukur dhe ekipet nisën kërkimet e saj. Pak orë më vonë është gjetur edhe trupi i saj i pajetë. Ndërkohë nga përmbytjet kanë mbetur të plagosur edhe dy persona të cilët ndodhen në spital për ndihmë mjekësore. Situata e përmbytjeve në Pejë është alarmante, ku uji ka hyrë brenda dyqaneve dhe ka bllokuar automjete në rrugë. Një qytetar ka rrezikuar të mbytet pasi automjeti tij u bllokua dhe uji po vershonte brenda saj. Fatmirësisht ai mundi të shpëtonte dhe të dilte në kohë nëpërmjet xhamit të makinës. Ndërkohe dëmet finaciare nga përmbytjet janë kolosale. Kryetari i komunës së Pejës Gazmend Muhaxheri u shpreh i tronditur për vdekjen tragjike të nënës dhe djalit të saj nga përmbytjet. Ai u shpreh se situata në Pejë është e rëndë dhe shpreh ngushellime për familajre e viktimave. “Kanë qenë në shtëpi, ka hyrë uji prej dy drejtimeve, janë mundu me ndalë rrymën edhe ka ndodhur tragjedia. Në shtëpi kanë qenë edhe dy fëmijë të tjerë dhe një person i moshuar. Ata kanë shpëtu”, ka thënë Muhaxheri për Nacionalen.
Federata shqiptare pezullon volejbollisten braziliane të Dinamos, kërkohet testi i gjinisë
Një vendim i paprecedentë ka tronditur botën e sportit shqiptar. Federata Shqiptare e Volejbollit ka pezulluar përkohësisht volejbollisten braziliane të...
