Policia spanjolle dhe portugeze, me ndihmën e Interpolit, kanë shkatërruar një grup kriminal që kishte kryer rreth 100 vjedhje shtëpish në veri të Portugalisë, me një vlerë totale prej më shumë se 2 milion euro. Grupi, me origjinë shqiptare, operonte nga një shtëpi në komunën e Pontevedras në O Rosal, Spanjë, dhe kishte lidhje në Valencia.
Hetimet filluan në nëntor 2021 kur autoritetet portugeze kërkuan ndihmë nga Spanja pas disa vjedhjeve të ndodhura. Në shkurt 2022, dy persona u arrestuan në Portugalinë e Veriut, ndërsa një person tjetër arriti të ikë. Në shtëpinë e tyre, policia gjeti bizhuteri, aksesorë luksoze, para të gatshme dhe pajisje teknologjike.
Vlera e gjërave të vjedhura arrin në 2 milionë euro. Operacioni u mbyll në prill të këtij viti me arrestimin e dy grave në Valencia, të cilat dyshohet se ishin bashkëpunëtore të grupit.
