Qeveria nuk ka pritur vaksinimin e plotë të bluzave të bardha, siç u premtua, por e ka nisur propagandën shumë më herët.
Që në orët e para të mëngjesit, kryeministri Edi Rama ka kujtuar qytetarët se shumë shpejt do të nisi rindërtimi tërmetit dhe vaksinimi.
“Mos e harroni që të nesërmen e tërmetit askush s’e besonte që do t’ia dilnim rimëkëmbjes së atyre mijëra e mijëra familjeve të mbetura pa strehë. Po njësoj do t’ia dalim vaksinimit të të gjithë qytetarëve të këtij vendi”, shkruan ai.
Dy fusha këto, ku qeveria vërtet ka dështuar. Për të prekurit e tërmetit iku dhe dimri i dytë në çadra, në kushtje çnjerëzore dhe mot ekstrem. Në pamundësi totale për tu përballur dhe me virusin.
Pavarësisht kësaj të vërtete, disa familje kanë mundur të marrin celësat e shtëpive falë zgjedhjeve që po afrojnë, por qindra të tjerë janë harruar.
Sa i përket vaksinimit, është problemi i momentit. Po shohim përditë me dhjetra humbje jete, humbje këto nga pakujdesia e personave, ose nga paaftësia e menaxhimit të qeverisë.
Dje kyreministri ndodhej në Shkodër, për të ndjekur nga afër procesin e shumëpritur të nisjes masive të vaksinimit, por plani “dështoi” rrugës.
Sipas planit, nga bluzat e bardha, vaksinimi zbret te të moshuarit. Fillimisht ata mbi 90 vjeç, mbi 85, mbi 80 e kështu me radhë deri te të moshuarit mbi 65 vjeç. Por Rama nuk priti më gjatë, shkoi menjëherë (15 shkurt) tek shtëpitë e të moshuarve.
“Kemi ardhur t’ju bëjmë vaksinën, të shpëtoni nga ky siklet”. Me këtë fjali iu drejtua Rama të moshuarve në hyrje të qendrës.Njësoj sikurse Tirja që iu merrte lekët kundrejt shërbimit, ashtu dhe Rama kundrejt votës.
Ajo që duhet theksuar është “kursimi” që ka bërë Qeveria në injektimin e vaksinave. Nga 11 janari, për 23 mijë mjekët e piketuar për tu vaksinuar, janë vaksinuar vetëm një shifër e papërfillshme 5 %. Konkretisht 1277 mjekë e infermier, prej të cilëve 588 kanë marrë të dyja dozat dhe 689 vetëm të parën.
