Një 15-vjeçar ka mbetur i plagosur këtë të premte si pasojë e një konflikti me një bashkëmoshatar. I mituri është plagosur në bark me mjet prerës dhe është dërguar menjëherë në spital. Shkak i konfliktit midis tyre mësohet të jetë bërë motra e autorit të plagosjes, i cili pretendonte se bashkëmoshatari i tij e ngacmonte atë. 13-vjeçarja ka qenë dëshmitare e ngjarjes së rëndë. Ndërkohë burime bëjnë me dije se i plagosuri ka dalë nga reanimacioni. Po të njëjtat burime tregojnë se janë të dy nxënës të së njëjtës shkollë, por jo në të njëjtën klasë. Djali nga Tepelena që u plagos, jeton në konvikt në Gjirokastër.
