Call-Center-at dhe fasoneritë kanë qenë kryesisht vatrat e shpërthimit të rasteve të reja me Coronavirus.
Por këto biznese, ku punonjësit janë të shumtë në numër dhe që punojnë ngjitur njëri-tjetrit u mbyllën vetëm për pak ditë gjatë periudhës së pandemisë duke thyer hapur edhe urdhrin e kryeministrit Rama.
E sot, ku shpresat për uljen e numrit e të infektuarve ishin të mëdha, shpërtheu një tjetër vatër me 25 të infektuar.
U raportua se një Call Center në kryeqytet kishte punuar i pashqetësuar gjatë periudhës së pandemisë, ku madje ditën e sotme u regjistruan vetëm 15 raste të reja, të gjithë kontakte të një rasti.
Ministria e Shëndetësisë raportoi se gjatë 24 orëve të fundit u shtuan 25 persona të infektuar me koronavirus.
Pas publikimit të lajmit për Call Center-in, Inspektorati Shtetëror Shëndetësor ka mbyllur Call Center-in ku u regjistruan 15 raste të reja me COVID-19, të gjithë kontakte të një rasti!
Ministria nuk dha asnjë detaj në lidhje me këtë burim infeksioni, por gazeta “Tema” shkruan se bëhet fjalë për Call-Centerin ‘CTA Groups’, që ndodhet në ish-Uzinën Tirana në zonën e Laprakës.
Prej dy javësh tashmë, edhe lokalet pranë zonës janë hapur, dhe frekuentimi i të paktën njërit prej tyre nga këta punonjës, e bën edhe me të frikshme situatën!
Sipas “iconstyle.al”, punëtoret akoma vazhdojnë të punojnë tek ky call center dhe sot.
“Punëtoret akoma vazhdojnë të punojnë tek ky call center dhe sot. Lokalet janë plot aty, fëmijët e lagjes vërdallë tyre,dyqani hapur ku kanë blerë çdo ditë puntorët.
Të paktën të vinë të izolojnë zonën se aty e sigurt do dalin me qindra raste pozitivë! Vetëm Zoti na ndihmoftë”, është shprehur një banore e zonës, sipas “iconstyle”.
