Ditën e sotme në vendin tonë u shënua një numër rekord rastesh të reja me Covid-19 dhe viktimash që kanë humbur jetën nga ky virus.
Ministria e Shëndetësisë njoftoi se gjatë 24 orëve të fundit janë kryer 1967 testime, nga të cilët kanë rezultuar pozitivë 525 qytetarë të prekur nga virusi SARS-COV2. Nga këto 15 raste ishin vetëm në qytetin e Elbasanit dhe sipas “AbcNews” 5 prej tyre janë mësues.
Numri i mësuesve aktivë me covid 19 vetëm në qytetin e Elbasanit shkon në 34 pas këtyre rasteve të fundit.
Ndërkohë sot në vendin tonë u shënua dhe një numër rekord vdekjesh, pasi në 24 orët e fundit, kanë humbur jetën 12 qytetarë me Sars-Cov2 pozitiv në spitalet COVID: një 34 vjeçar nga Durrësi, një 66 vjeçar nga Lezha, një 69 vjeçar dhe një 77 vjeçar nga Pogradeci, një 71 vjeçar nga Berati, një 51 vjeçar, një 56 vjeçar, një 69 vjeçar, 75 vjeçar dhe 78 vjeçare nga Tirana, një 67 vjeçar nga Elbasani, një 70 vjeçar nga Korça, me sëmundje bashkëshoqëruese.
