Në përditësimin e përditshëm të të dhënave, Ministria e Shëndetësisë informoi se në 24 orët e fundit janë regjistruar 127 raste të reja dhe midis tyre 15 kanë qenë vetëm në qytetin e Durrësit.
Mësohet se 10 nga 15 rastet e reja janë në vetëm tre familje. Ndërkohë njëra prej familjeve me katër anëtarë e ka marrë virusin nga kryefamiljari, i cili është punonjës në Autoritetin Kombëtar të Ushqimit (AKU) në Durrës.
Ndërsa dy familjet e tjera me nga 3 anëtare e kanë marrë virusin nga kontaktet me rastet e mëparshme, ashtu siç edhe 5 persona të tjerë.
Nga 6 humbje jete që u shënuan sot, 3 prej tyre ishin në qytetin e Durrësit, një 64 vjeçar, një 65 vjeçar dhe një 69 vjeçar, me sëmundje bashkëshoqërues. Që nga fillimi i pandemisë e deri më tani 28 persona kanë humbur jetën nga COVID-19 në Durrës dhe numërohen 344 raste aktive.
