Deputeti Myslim Murrizi ka mbajtur fjalën e tij në foltore, i cili ka paralajmëruar një periudhë si ajo e 1997-ës.
Murrizi ka kritikuar qeverinë edhe për masat e pazakonta që po merr ndaj koronavirusit.
Sipas tij kjo është një tallje e madhe me fukarallëkun e shqiptarëve.
Sipas deputetit e gjitha është një propagandë e madhe, pasi në fund do të mungojnë miliarda lekë nga buxheti.
Murrizi ka paraljmëruar qeverinë se shumë shpejt do i vijë fundi nga populli.
Ndërsa ecurinë e Reformës Zgjedhore e quajti hipokrizinë e radhës, dhe tha se 12 deputetë të grupit ku ai bën pjesë do të dalin kundër.
Ai shton se 30 vjet pas shembje së komunizmit nuk është mirë t’i vënë shqelmin në fyt 5 milionë shqiptarëve, 15 palaço politike.
Murrizi u shpreh në foltore:
Talleni duke thënë dilni në këmbë të hënën, mbylluni të enjten.
Dilni të premten me makinë të dielën kyçeni makinën. Shqiptarët po shkojnë drejt një krize të paparë. Në ‘97 e patë cfarë ndodhi!
Deri në fund të vitit do mungojnë në buxhet 1 miliard euro. Ju na numëroni si turistë edhe emigrantët që hyjnë.
I bie që për 120 ditë gjithë shtretërit të jenë të zënë. Me kë talleni ju?
Talleni me shqiptarët dhe fukarallikun e tyre, talleni se do i jepni pagë lufte, se do i ndërtoni shtëpitë, talleni me sovranitetin e votës të shqiptarëve.
Pse druheni dhe keni frikë t’ju shkoni nga afër?
Cfarë mëkatesh keni bërë që strukesni si struci, bëni lojë të pistë me njëri- tjeterin vecse doni t’ja fshihni të zgjedhurve shqiptarë të zgjedhurin.
Një ditë qytetarët shqiptarë do vendosin vetë, s’ka për të ardhur më manekin në këtë sallë. Nga halli që i ka zënë shqiptarët nga tërmenti, virusi dhe qameti i qeverive që iu rrinë në kurriz, ju do ju vijë shumë shpejt fundi.
Do ju duket ’97 si mjalti! Autostradën e keni me 4 korsi, por do harroni edhe brekë e kanotjere të merrni me vete! Jeni zero para fuqisë së votes, dhëntë zoti shumë shpejt do ta provoni.
Me atë që shoh unë, shtatori, tetori, kemi edhe janarin para se të vijnë zgjedhjet, mund të jetë edhe si ’97 .
Mund të jetë si ’97, do të jemi këtu, unë nuk uroj por, 15 palaço politikë, 15 hajdutët e parave publike prej 20 vjetësh, unë nuk besoj se në vitin 2020, 30 vjet pasi është shembur komunizmi t’i vënë shqelmin në fyt 5 milionë shqiptarëve.
Nuk ka hipokrizi më të madhe se një reformë që nuk e realizon për 3 vjet, do ta bëjmë për 3 ditë, është krijuar komisioni i reformës zgjedhore në 2017 për 3 vjet, tani thonë do e bëjmë deri më 31 maj.
Kryetari i grupit tjetër parlamentar zoti. Stojku, së bashku me mua, si kryetari i Grupit Parlamentar Demokrat, nesër (sot) bëhemi 12 deputetë tek ky grup, por edhe deputeti Nimet Musai, do të dalim me një deklaratë nesër që ne nuk e votojmë dhe nuk marrim urdhër nga këta që hyjnë e dalin fshehurazi nga selitë e partive.
