Gjykata e Apelit ka caktuar dje datën 15 mars për seancën gjyqësore në ngarkim të deputetit demokrat, Ervin Salianji. Trupa gjyqësorë që do të shqyrtojë çështjen ndaj Salianjit përbehet nga Elona Toro, Gent Shala dhe Iliba Bezati.
Deputeti akuzohet për denoncimin publik ndaj qeverisë, për lidhjet e qeverisë me trafikanë dhe me favorizimin që qeveria ju bënte trafikantëve të drogës duke i lehtësuar dhe bashkëpunuar në veprimtarinë e paligjshme.
Salianji ka filmuar vite më parë fusha të mbushura me kanabis, pikërisht në vitet kur qeveria mohonte kanabizimin e vendit, me në krye ministrin e Bredshëm asokohe, Saimir Tahiri.
Më pas Partia Demokratike dhe Ervin Salianji akuzuan që pjesë e lidhjeve me krimin ishte vetë vëllai i ish-ministrit pasardhës Fatmir Xhafaj.
Në atë periudhe gazetari investigativ Jetmir Olldashi publikoi një tjetër video ku i ashtuquajturi “Babale” u paraqit si skafist i vëllait të ish-ministrit të Brendshëm.
Të nesërmen e denoncimit të Salianjit, vëllai i Ministrit Xhafaj iu dorëzua autoriteteve italiane, ndërkohe që ndaj deputetit sipas opozitës nisi një sulm politik duke përdorur gjykatat pasi u denoncua nga trafikanti Xhafaj për shpifje, për këtë u hap një hetim penal me kallëzimin e Agron Xhafajt ku Salianji akuzohet për shpifje.
