Erglena Domi, vetëm 14 vjeçe, po hyn në historinë e sportit shqiptar si një nga talentet më premtuese të mundjes. Vajza nga Shqipëria është e para sportiste shqiptare që ka garuar në arenën ndërkombëtare në këtë disiplinë, duke fituar vitin e kaluar titullin kampione ballkanike.
Në Kampionatin e sivjetshëm të zhvilluar në Rumani, Erglena arriti një tjetër sukses të madh, duke u shpallur nënkampione e Ballkanit për moshat U-15. Ajo u dallua për teknikë, guxim dhe shpirt luftarak, veçanërisht në përballjen emocionuese me përfaqësuesen serbe.
E stërvitur nën kujdesin e babait të saj, Sadik Domi, dhe trajnerit kosovar Sadik Ferati, Erglena po përgatitet tashmë për Kampionatin Europian dhe atë Botëror. Synimi i saj është i qartë: të ngrejë lart flamurin kuqezi në arenën ndërkombëtare.
Erglena Domi, vajza që po e shndërron krenarinë shqiptare në forcë fituese.
