14 ditë, plot dy javë. Kaq kanë naftëtarët e Ballshit, që prej kur kanë hyrë në grevën e urisë.
Edhe pse kanë kaluar 2 javë, ende nuk kanë marrë asnjë përgjigje nga instancat shtetërore apo kompania private që menaxhon rafinerinë.
Për fat të keq, gjendja e naftëtarëve që janë futur në grevë vijon drejt përkeqësimit. Dy grevistë janë shoqëruar sot në spitalin e Mallakastrës, pasi kishin probleme me dehidratimin, dhimbje koke dhe luhatje tensioni.
Edhe gjatë natës, një tjetër grevist paraqiti probleme shëndetësore.
“Shëndeti ynë me keq nuk ka se ku të shkojë, e kemi thënë dhe stërthënë që nuk largohemi nga greva. Ndërsa shteti ka zgjidhur kërkesat e të burgosurve me ne nuk merren fare. Të na japin çdo lloj përgjigje edhe të na mbyllin uzinën, por nuk reagojnë”, tha Dautaj për mediat.
Teksa nuk kanë marrë akoma një përgjigje, të hënën pritet një tjetër marshim në rrugët e Ballshit.
/GazetaReforma.com/
