Ka rënë në prangat e policisë poseduesi i armës me të cilën dyshohet se u vetëvra aksidentalisht 13-vjeçari R.K. në Mat.
Specialistët për Hetimin e Krimit në Komisariatin e Policisë Mat arrestuan shtetasin P.S., i cili kishte armën e zjarrin pushkë me të cilën ndodhi ngjarja fatale. Gjithashtu janë sekuestruar në cilësinë e provës materiale arma e zjarrit pushkë dhe një sasi municioni luftarak.
Ngjarja e rëndë ndodhi në orët e para të mëngjesit të datës 30 korrik, ku në një stan në malin “Skënderbeg”, 13-vjeçari dyshohet se u vetëvra aksidentalisht me armën e zjarrit.
Materialet procedurale i kaluan Prokurorisë Mat për veprime të mëtejshme hetimore.
Njoftimi i policisë:
Mat
Në vijim të veprimeve për dokumentimin e ngjarjes së ndodhur në orët e para të mëngjesit datë 30.07.2021, ku në një stan në malin ‘Skëndërbeg’, aksidentalisht dyshohet se u vetëvra me armë zjarri shtetasi R.K., 13 vjeç, specialistët për Hetimin e Krimit në Komisariatin e Policisë Mat, arrestuan në flagrancë shtetasin :
- S., 47 vjeç, banues në Kurbin (poseduesi i armës së zjarrit pushkë me të cilën dyshohet se është vetëvrarë 13-vjeçari.)
Janë sekuestruar në cilësinë e provës materiale arma e zjarrit pushkë dhe një sasi municioni luftarak.
Materialet procedurale i kaluan Prokurorisë Mat për veprime të mëtejshme.
