Numri i të prekurve me Covid-19 në Itali po rritet çdo ditë e më shumë duke shënuar dhe rekorde të reja.
Kështu gjatë ditës së sotme janë shënuar 15,199 raste të reja të koronavirusit ndërkohë që një ditë më parë ishin 10,874.
Që nga fillimi i pandemisë e deri më tani në Itali janë regjistruar 449.648 të infektuar. Rritje ka pasur dhe numri i të vdekurve, ku në 24 orët e fundit kanë regjistruar 127 duke e çuar në 36 832 numrin total.Ndërkohë një lajm i mirë vjen nga të shëruarit pasi në këto 24 orët e fundit kanë fituar betejën me Covid-19, 2369.
Rajoni më i goditur është Lombardia, e cila ka dyfishuar numrin e të prekurve nga dita e djeshme, me 4126 pozitivë. Në atë rajon, ashtu si në Kampanja, sot me 1760 raste në rajonin ku është kryeqendër Napoli, autoritetet shëndetësore deklarojnë se situata ka dal jashtë kontrollit” dhe aty priten tashmë masa edhe më shtrënguese.
