Pak ditë më parë në Vaqarr u zhvillua një operacion, teksa u sekuestruan rreth 119 kg kokainë. Droga e kapur e llojit kokainë, dyshohet se ka hyre ditë me parë dhe kjo nëpërmjet Portit të Durrësit.
Droga ishte nisur nga Amerika Latine drejt kompanisë Zico Sh.A në Vaqarr. Për rastin në fjalë ka reaguar gazetari Artan Hoxha. Përmes një postimi, Hoxha thotë se pronari i kompanisë i cili pretendon se kokaina është futur mes bananeve nga disa persona të armatosur, e ka lajmëruar policinë në mëngjes, ndërkohë që shkarkimi i ngarkesës është bërë një natë përpara.
Postimi i Artan Hoxhës:
Eh moj banania kinge, ç’na e nise me faqe “te bardhe” 2022-shin… Na u be ky kontejneri i fundit, qe erdhi nga Ekuatori, si urbani Ndroqit. Ndalohet ne Gioa Tauro Itali, shkarkohen ca arka me “banane”, pastaj mbyllin kontejnerin. E ndalin ca “pasagjere” me maska e kallashnikovë ne Romanat, si “trimat e Selfo Qorrit”, vjedhin ca arka me “banane” dhe pastaj mbyllin derën. Ne darke e parkojnë kontejnerin ne Vaqar, sistemojnë arkat me “banane”, pastaj kujtohen ne mëngjes, se duhet njoftuar policia. Vjen policia paradite, gjen dhe ajo ca arka me 119 kilogramë “banane bardhoshe”…. Te paktën na jepni inventarin e arkave me “banane”, sa u nisen nga Guayaquil, sa bitisen ne Vaqarr? Jo për gjë, por kam hall se mos shkon kacafiu dhe çmimi i bananeve verdhacuke qe ha populli?!!
