Kryeministri Edi Rama me anë të një videoje “live” në Facebook ka bërë me dije se pas njoftimit të ministres së Shëndetësisë Ogerta Manastirliu dhe rektorit të Universitetit të Mjekësisë, Arben Gjata,1000 mjekë e infermierë kanë dalë vullnetarë për të shërbyer në këtë situatë që po kalon vendi ynë.
Rama e cilësoi këtë si një lajm shumë të mirë që tregon humanizmin e shqiptarëve.
“Mbi 1000 mjekë e infermierë i janë përgjigjur deri tani thirrjes për t’u regjistruar si vullnetarë të gatshëm për orët më të vështira në vijën e zjarrit. Mirënjohje për këtë gjest prekës humanizmi e patriotizmi në këtë moment kaq përcaktues për shëndetin e popullit shqiptar”, u shpreh Rama.
Kryeministri Rama tha se javën që vjen e gjithë Shqipëria do i nënshtrohet vetkarantinimit si Tirana e Durrësi në këto 3 ditë.
“Po heq keq por nuk kam ku shkoj, punoj online me ministrat, flas non stop me Ogertën, lexoj cfarë shkruhet për edpideminë, ndjek cfarë bëjnë kolegët nëpër botë, luaj me Zahon që më thotë laj duart, hap dritaret. Kur më kap sikleti kujtoj se sa histori të trishtuara ka kaluar mileti dhe njerëzit e kësaj bote dhe kanë mbijetuar e ja kanë dalë mbanë. Nesër administrata është pushim, vetëburgosja vazhdon dhe do të vazhdojë më tej e dhe për të gjithë ata që nuk janë pjesë e shërbimeve dhe e detyrave esenciale të cilët do të vijojnë të qëdrojnë në shtëpi. Do të jenë në punë normalisht sic do të jenë në punë të gjitha kompanitë që garantojnë të gjithë hallkat jetike të ekonomise së vendit.
Si po e kalon kryeministri karantinën?
“Ndjek televizor, shikoj çfarë thonë kolegët nëpër botë, shikoj telvizor e luaj me Zahon që më thotë të laj duart dhe të hapë dritaret. Adminsitrata nesër do jetë pushim sërish, burgosja do të vazhdojë dhe për ata që kanë punë esenciale. Në punë do jenë dhe ata që kanë në zinxhirin e hallkave të rëndësishme të jetës”.
Deri tani në vendin tonë janë regjistruar 42 të infektuar dhe një viktimë, teksa janë kryer 532 teste për persona të dyshuar.
