Si sot, 10 vite më parë ndodhi masakra e 7 gushtit, ku mbetën të pajetë 4 efektivë të skuadrës Speciale të Vëzhgimit. Dritan Dajti ishte ai që u moru jetën efektivëve Fatos Xhani, Saimir Duçkollari, Altin Dizdari dhe Kastriot Feskaj, gjatë një aksioni për kapjen e tij.
Dritan Dajti ndodhet në burgun 302, i cili u dënua vetëm me 25 vite burg. Tashmë atij i kanë ngelur edhe 15 vite burg për të bërë.
Nga kjo histori dolën edhe disa fakte tronditëse, pasi u zbuluan edhe disa lidhje të Dajtit brenda Policisë së Shtetit. Dyshohet se Dajti e dinte për aksionin policor që po zhvillohej për të dhe u kishte ngritur pritë efektivëve të skuadrës Speciale të Vëzhgimit.
Dritan Dajti po hetohej prej kohësh për aktivitet kriminal në fushën e trafikimit të narkotikëve, ndaj edhe Policia e Shtetit e kishte shpallur në kërkim ku organizoi edhe operacionin për kapjen e tij.
Në vitin 2014, Dajti u dënua me “brgim të përjetshëm”, ndërsa Gjykata e Apelit pranoi gjykimin e shkurtuar për të, duke e dënuar me 25 vite burg. Procesi ndaj Dajtit zgjati 10 vite, por nga gjykimi i shkurtuar ai përfitoi nga ulja e dënimit me 1/3-ën.
