Pak ditë më parë një 10 vjeçar nga Guri i Zi , në qytetin e Shkodrës humbi jetën tragjikisht duke bërë video për rrjetin social “Tik Tok”. Kemi dëgjuar që kanë ndodhur raste të tilla nëpër botë, por ky ishte rasti i parë në vendin tonë. Kjo ngjarje e rëndë, tronditi opinionin publik në vend.
Ditën e sotme shoku i 10-vjeçarit i ftuar në një studio televizive është shprehur se djali pëlqente shumë rrjetet sociale, por kur ishte me shokët nuk i përdorte, shumicën e rasteve videot për “Tik Tok” i bënte në shtëpi. Gjithashtu shoku tij shprehet se ai ishte një fëmijë i lumtur dhe se nuk bënte asnjëherë video kur dilte me shokët. Shoku ndër të tjera pohon se i pëlqente të postonte në rrjete dhe të merrte shumë “like”.
“Pëlqente të postonte, të merrte ‘like’. Nuk bënte video kur dilte me ne, vetëm në shtëpi”. Ai rrëfen se 10-vjeçari nuk kishte asnjë problem. “Ka qenë shumë fëmijë i lumtur. Dilnim çdo ditë, luanim te fusha e futbollit”, tha shoku i të miturit në “Shqipëria Live”.
Nga ana tjetër familjarë dhe të afërm të djalit janë shprehur se ai ishte shumë i lidhur me rrjetet sociale dhe se harxhonte shumë kohë në ditë duke u marrë me to. Gjithashtu familjarët thonë se ai “ishte i fiksuar me telefonin”.
