Erla Mëhilli është një figurë shumë e njohur e politikës shqiptare, edhe pse vetë konkretisht nuk është marrë asnjëherë me politikë. Mëhilli ka qenë për 10 vite si zëdhënëse e Partisë Demokratike, ku kishte një raport shumë të mirë me ish-kreun e kësaj partie, por dhe ish-Kryeministrin e Shqipërisë, Sali Berisha.
E pyetur nëse Sali Berisha qau kur dha dorëheqjen, zëdhënësja e PD-së u përgjigj: “Jo, nuk qau. Ka qenë një vendim i marrë në komunikim të plotë me doktorin. Nuk ka trishtim në ikjen time, se unë e vazhdoj komunikim tim akoma. Raporti im me doktorin nuk është vetëm mes një shefi dhe një vartësi, por ka edhe relata familjare.
Doktori është një njeri shumë punëtor dhe energjik. Nuk lodhet kurrë. Ai është një njeri shumë komunikues. Ndoshta shumë personave u duket i ashpër, sidomos në gjuhën politike, por kur punon me të është shumë më ndryshe. Ne tjetër imazh kemi nga jashtë, e tjetër kur na njohin”.
Erla Mëhilli ka lajmëruar se ka vendosur që të angazhohet në një projekt të ri profesional. Për Mëhillin, kjo gjë është një mundësi për t’i dhënë zë jo vetëm asaj çfarë mendon, por edhe gjithkujt me të cilin ndan të njëjtat shqetësime.
