Policia spanjolle ka zbuluar 10 kilogramë heroinë të groposur 1.5 metra në thellësi.
Për zbulimin e lëndës narkotike u përdorën qentë e anti-drogës.
11 persona janë arrestuar deri tani, përfshirë një shqiptar.
Gjatë arrestimeve, policia ka sekuestruar edhe 40 000 euro para të gatshme, 11 automjete, 1 armë gjahu dhe 1 armë të simuluar, makineri për paketimin me vakum, telefona dhe kompjuterë të shumtë.
Policia kishte kohë që kishte nisur hetimet dhe nga vëzhgimet u vunë ré disa vizita në bazën e bandës, me masa të shumta sigurie nga një individ me kombësi shqiptare.
Pas hetimeve forcat spanjolle ndërhynë kundër organizatës në fjalë, në krye të së cilës qëndronte një shqiptar.
Ai vendoste kontakte me blerësit e ndryshëm në Komuniteti Galilian, si dhe kryente negociatat përkatëse.
Për shpërndarjen e lëndës narkotike banda përdorte makina të ndryshme, brenda të cilave ishin krijuar hapësira të mbështjella me plumb për të transportuar drogën.
Kjo e vështirësoi operacionin e policisë për zbulimin e substancave.
Deri më tani nuk janë publikuar identitetet e të arrestuarve, por priten arrestime të tjera.
Më poshtë mund të shihni operacionin e policisë:
https://www.facebook.com/quincemil15000/videos/468598460503481/
