Mbrëmjen e djeshme u mbyllën ndeshjet e treta të grupeve të Ligës së Kampionëve me shumë gola, kartonë të kuq dhe shumë penallti të akorduara.
Nga grupi H nuk ka lajme të mira për dy ekipet favorite, pasi PSG dhe Man.UNITED u mundën nga kundërshtarët e tyre. Parizienët humbën përballë Leipzig me rezultatin 2-1, ndërkohë “djajtë e kuq” u mundën nga Istanbul Basaksehir me rezultatin 2-1 pasi vendasit kaluan në avantazh të dyfishtë në pjesën e parë me Demba Ba dhe Visca.
Ndërkohë në grupin G, Juventus luajti në Hungari përballë ekipit të Ferencvarosi dhe arrtiti të fitonte edhe pse vetë Ronaldo nuk bëri asnjë gol me rezultatin 1-4.Barcelona nga ana tjetër ka fituar 2-1 ndaj Dinamo Kiev por me vuajtje. Mjaftuan penalltia e Messi-it në minutën e 5 dhe goli i Pique që katalanasit të marrin pikët e plota.
Lazio ia arriti të marrë një pikë me vlerë në St-Petersburg. Përballë rusëve të Zenit italianët patën një ndeshje të vështirë duke iu falur Caicedo-s që barazoi në të 82-tën. Madje Zenit shënoi në fund të ndeshjes por arbitri e cilësoi ”offside” pasi asistuesi ishte pozicion jashtë loje.
Ndërkaq në grupin E Chelsea dhe Sevilla kanë konfirmuar se do të luftojnë tashmë kush do të jetë në vendin e parë. Londinezët e kishin mjaft të lehtë ndaj Rennes pasi Werner shënoi dy herë në pjesë e parë me penallti kurse francezët ngelën me 10 lojtarë. Të tretin e vulosi Tammy Abraham.
Sevilla nga ana tjetër bëri një përmbysje spektakolare. Krasnodar kaloi në avantazh të dyfishtë në pjesën e parë kurse Rakitic ngushtoi diferencat. Në fund të pjesës së parë Jesus Navas la spanjollët me 10 lojtarë, por kjo nuk i ndaloi kolegët e tij që të shënojnë dy herë në pjesën e dytë me Youssef En-Nesyri që të marrin 3 pikët.
⏰ 𝙍𝙀𝙎𝙐𝙇𝙏𝙎! ⏰
Goals galore as Başakşehir, Chelsea, Sevilla, Dortmund, Barcelona, Juventus & Leipzig register wins 🥳
Your highlight? #UCL
— UEFA Champions League (@ChampionsLeague) November 4, 2020
